๓.
คุณาวโพธ-ตติยปริจฺเฉท
อนุสนฺธิ
๑๑๖.
สมฺภวนฺติ
คุณา ยสฺมา,
โทสาเน’ว’มติกฺกเม;
ทสฺเสสฺสํ
เต ตโต ทานิ,
สทฺเท
สมฺภูสยนฺติ เยฯ
สทฺทาลงฺการ
อุทฺเทส
๑๑๗.
ปสาโท’โช,
มธุรตา,
สมตา,
สุขุมาลตา;
สิเลโส’ทรตา,
กนฺติ,
อตฺถพฺยตฺติ,
สมาธโยฯ
สทฺทาลงฺการ
ปโยชน
๑๑๘.
คุเณเห’เตหิ
สมฺปนฺโน,
พนฺโธ
กวิมโนหโร;
สมฺปาทิยติ
กตฺตูนํ,
กิตฺติ
มจฺจนฺตนิมฺมลํฯ
สทฺทาลงฺการ
นิทฺเทส
๑๑๙.
อทูราหิตสมฺพนฺธ,
สุภคา
ยา ปทา’วลิ;
สุปสิทฺธิธา’ภิเธยฺยา’ยํ,
ปสาทํ
ชนเย ยถาฯ
๑๒๐.
อลงฺกโรนฺตา
วทนํ,
มุนิโน’ธรรํสิโย;
โสภนฺเต’รุณรํสี’ว,
สมฺปตนฺตา’มฺพุโช’ทเรฯ